કણોના તંત્ર માટે વેગમાન સંરક્ષણનો નિયમ જણાવો અને સમજાવો.

(N/A) કણોના તંત્ર માટે ન્યૂટનનો ગતિનો બીજો નિયમ $\frac{d \vec{p}}{dt} = \vec{F}_{ext}$ છે.
જો તંત્ર પર લાગતું કુલ બાહ્ય બળ શૂન્ય હોય, તો $\frac{d \vec{p}}{dt} = 0$ થાય.
આનો અર્થ એ છે કે $d \vec{p} = 0$, એટલે કે $\vec{p} = \text{અચળ}$.
આ ત્રણ અદિશ સમીકરણોને સમતુલ્ય છે: $p_x = C_1, p_y = C_2, p_z = C_3$, જ્યાં $C_1, C_2, C_3$ અચળાંકો છે.
"જ્યારે કણોના તંત્ર પર લાગતું કુલ બાહ્ય બળ શૂન્ય હોય, ત્યારે તેનું કુલ રેખીય વેગમાન અચળ રહે છે." આને રેખીય વેગમાન સંરક્ષણનો નિયમ કહેવાય છે.
$\vec{F}_{ext} = M\vec{A}_{cm}$ પરથી, જો $\vec{F}_{ext} = 0$ હોય, તો $\vec{A}_{cm} = 0$ થાય.
કારણ કે $\vec{A}_{cm} = \frac{d\vec{v}_{cm}}{dt}$, જો $\vec{A}_{cm} = 0$ હોય, તો $\vec{v}_{cm}$ અચળ રહે છે.
આમ, જ્યારે તંત્ર પરનું કુલ બાહ્ય બળ શૂન્ય હોય, ત્યારે દ્રવ્યમાન કેન્દ્રનો વેગ અચળ રહે છે.